Во повеќе од три децениското постоење Меѓународната ликовна колонија ,,Свети Јоаким Осоговски" се претвори во култно место за инспирација и ликовно изразување на многу генерации видни сликари од земјата и од странство. Иницијатори за нејзино основање се професорот Петар Мазев, Јордан Михајловски култен деец и академските сликари: Димитар Стојчевски, Никола Иванов-Балтон и Златко Стефанов поп Иванов.

Со заживување на ликовната колонија се возобновува повеќевековната традиција на манастирот да функционира како културен, едукативен и духовен центар за овие простори. На колонијата твореле над 300 уметници од Париз, Цирих, Женева, Каиро, Истамбул, Токио, Билмингтон, Софија, Нирнберг, Москва и други. Вредните дела создадени на Ликовната колонија се наоѓаат во две ликовни збирки во НУ Центарот за Култура Крива Паланка и манастирот Св. Јоаким Осоговски. 

Традиционално секоја година започнува на 5-ти септември, а завршува со групна изложба на учесниците на колонијата.

Организатор: Здружение МЛК Св.Јоаким Осоговски.