Здружението за рурален развој Локална акциона група „Осоговски лисец“ со поддршка на Општина Крива Паланка имплементираше проект со наслов „Унапредување на туристичките потенцијали преку промоција, воведување на нови содржини и оплеменување на постојни туристички локалитети – Туризам плус“.
Проектот се имплементираше преку Агенцијата за финансиска поддршка на земјоделството и руралниот развој (АФПЗРР), по мерка 412 – Воспоставување на ЛАГ и мерка 413 – Реализација на стратегии за локален развој на рурални средини.
Во рамки на проектот поставена е урбана опрема на територија на општина Крива Паланка и тоа:
- Патокази до девет туристички локалитети кои се поставени на 16 локации со вкупно 33 патоказни табли;
- Поставување на две инфо-табли на двата влеза во Крива Паланка, и на истите е дизајнирана, изработена и аплицирана соодветна информативна содржина;
- Реквизити за детско игралиште и припрема на теренот за истото.Реквизитите се состојат од лизгалка, клацкалка и лулашка и истите се поставени во болничка ливада – населба Скрљава;
- Поставување на парковски клупи и канти за отпадоци долж пешачката патека на локалитет Стара вада во Крива Паланка.
Изведувач на работите е БЕЛЕШКОВ-ИНЖЕНЕРИНГ ДООЕЛ увоз-извоз Крива Паланка, а дизајнот на патоказните табли и туристичките инфо табли е ДППУ ГРБОТВОРЕЦ доел од Крива Паланка.
Вупната вредност за реализација на активностите по мерка 413 се во висина од 293.000,00 денари без ДДВ, а за мерка 412 реализирани се средтва во износ од 72.398,00 денари без ДДВ.